ازاي تعمل شيفت كارير بدون المخاطرة بمهنتك الحالية

نصائح هامة قبل عمل shift career

1- التواصل مع عاملين في المجال

التواصل مع شخص له خبرة في المجال بيختصر عليك وقت و مجهود كبير جدا و ده هيساعدك انك تعرف تقرر اذا كان المجال ده مناسب ليك و لقدراتك ولا لأ. 

ده بردو بيساعدك انك تبني شبكة علاقات داخل المجال ممكن يساعدوك لو انت في حاجة مش عارفها او ممكن يساعدوك في الحصول علي وظيفة او يحولك عميل كشغل حر 

جهز قايمة اسئلة وحدد شخص شايفه ناجح ومحترف في المجال دة واتواصل معاه واعرض عليه اسألتك، واهم حاجة تعرف منه إزاي تكون ناجح في المجال دة. سؤال الناس الخبرة بالمجال بيوفر عليك بحث كتير ويستحسن تكلم أكتر من شخص عشان تكوَّن وجهة نظر كاملة. 

أي شخص عنده  شبكة من العلاقات الاجتماعية، وهنا الموضوع لا علاقة له بالاستغلال، وإنما يمكنك اللجوء لشبكة علاقاتك الاجتماعية للاستفادة من خبراتهم، أو الاستفهام منهم على شيء معين، أو حتى السؤال عن فرص عمل

تواصل مع من قاموا بتلك الخطوة مُسبقًا وتعرّف منهم على كافة المميزات والعيوب والعقبات المتوقعة.

2- مشكلة تعلم المجال الجديد

اكبر عقبة تواجه أي شخص بيقرر انه هيعمل شيفت كارير هي التعليم. ناس كثير مش بيبقي عندها الطاقة انها تتعلم في مجال من الصفر. بس لو جينا نحسبها ان انت ايا كان المجال المقرر دراسته هيبقي في مدة من 3 شهور الي 6 شهور. و ممكن تلقي نظرة علي الكورسات المقدمة من شركة كرافت سوليوشنز من هنا (الكورسات)

اتعرف علي المجالات المختلفة و اسئل علي التفاصيل و حدد الكورس المناسب ليك و ابدأ في الحجز

و الدورات دي هتبقي كافية جدا بالاضافة الي شوية مجهود منك و متابعة للمجال و شغلك الكثير هتبقي مؤهل جدا. 

3- اجمع ما بين خبرتك في مجالك الحالي و مجالك المراد دراسته.

نصيحة مهمة جدا انك تعرف ايه العوامل المشتركة بين مجالك الاساسي و المجال اللي عايز تدرسه, و انك مع الوقت تعرف ازاي تجمع بينهم. لا تترك اللي درسته و اشتغلته سنين و عندك خبرة فيه, حاول علي قد ما تقدر تلاقي طريقة تجمع بيها المجالين مع بعض. يعتقد البعض يعتقد أغلبية الناس إن في حالة تغيير المجال إنك هتترك كل شئ خلفك وتبدأ تتعلم مهارات جديدة تمامًا ومش هتحتاج خبرتك السابقة. 

الإعتقاد ده خاطئ طبعًا لإن فيه مهارات مشتركة بين المجالات المختلفة واللي هتحتاج تنقلها معاك وانت بتغير مجال شغلك. فيه مهارات مشتركة في اغلب المجالات زي مهارات التواصل والعرض والإلقاء، إتقان التعامل مع الكمبيوتر وحزمة مايكروسوفت اوفيس، إتقان اللغة الإنجليزية، وهكذا. ما يحدد النقطة دي هي طبيعة المجال اللي هتنتقل إليه مش أصحاب العمل.

4- خذ فترة استراحة ما بين الانتقال من شغلك الحالي الي المجال الجديد.

الفترة دي مهمة جدا, بتمهلك وقت انك تعيد التفكير في قراراتك و تحسب حساباتك الخاصة من جديد. ابدأ باسبوع اجازة تفكير عشان تقدر تقرر هل انت علي استعداد تام لترك عملك و التوجه الي مجال جديد

 في فترة ال الاستراحة ممكن تجرب تعمل اي task بسيطة في المجال الجديد وتقرأ وتعرف اكتر عنه وتحدد هل طموحك يتماشى مع المجال الجديد ولا محتاج تعيد النظر في القرار.

5- استكشف التغييرات البديلة اللي ممكن تنفذها في مجالك الحالي

تفتكر هل المشكلة فعلًا في مجال شغلك الحالي بالكامل ولا في ظروف وطبيعة شغلك نفسها؟ يعني مثلًا ليه بقية زمايلك في نفس المجال سعداء جدًا ومرتاحين فيه على عكسك؟! أنا شخصيًا قابلتني المشكلة دي مع مجال التدريس. في البداية محستش براحة ولكن فضلت مستمرة فيه لمدة 10 شهور وجربت اشتغل مدرسة في حضانة لأطفال وفي أكاديمية للكبار، جربت تدريس منهج اللغة الإنجليزية المدرسي وحتى تدريس كورس بغرض التحدث باللغة واتقانها. غيرت اكتر من مرة الطلبة اللي بدرَّس لهم والمكان اللي بشتغل فيه. تقريبًا مسبتش وسيلة تغيير داخل المجال إلا وجربتها، ورغم إني كنت شاطرة فيه إلا إني مكنتش مرتاحة ليه إطلاقًأ. ساعتها بس قدرت أقرر وبكل يقين إني مش عايزة اكمل في المجال دة ولازم اتركه بشكل كلي. 

6- احسب المخاطرة

لابد من حسابة المخاطرة, و تحسب مكسبك من شغلك الحالي مقارنة بمتوسط الدخل للمجال الجديد. و تحسب عدد ساعات العمل, و لم دمجت شغلك الحالي بشغلك في المجال الجديد ايه الوقت المطلوب للاثنين و مكسبها كام و هل انت تقدر تعمل ده ولا لأ. 

7- ادرس جيدًا المجال الجديد الذي سوف تبدأ فيه , وطور من مهاراتك به من خلال الكورسات الاونلاين

ادرس جيدا المجال الجديد لوحدك ده من خلال اليوتيوب او قرائة كتب خاصة بالمجال و اتعرف علي المجال بطريقة 

8- تحديد المجال 

في مجالات كثير جدا تقدر تعمل شيفت كارير ليها, و ممكن تبقي في نفس مجال شغلك بس بطريقة ثانية 

مثال: ممكن واحد يكون شغال في مجال المحاسبة و بعد فترة يحول الي القسم المالي او ال Finance و في فرق كبير بين الاثنين بس الاثنين نفس المجال. 

مجالات مختلفة جيدة للشيفت كارير

مجال البرمجة (يمكنك قرائة: دليلك الي عالم البرمجة) 

مجال التسويق 

مجال التصميم